Sunday, 10 21st

Last updateSat, 22 Sep 2018 8pm

  • Create an account
    *
    *
    *
    *
    *
    *

    Fields marked with an asterisk (*) are required.

Articles

Kugereranya Paul Kagame n'Interehamwe

Umuntu wahanuye indege ya Perezida Yuvenali Habyarimana kandi azi neza adashidikanya ko icyo gikorwa cy'iterabwoba gikurikirwa ako kanya na jenoside y'abatutsi, hanyuma agafatanya n'Interahamwe kumaraho abatutsi, uwo muntu ni bwoko ki? Mbere yo kugigana n'icyo kibazo, reka duhere ku bindi bibazo bibiri bishobora kutworohereza kugisubiza.
Ikibazo cya mbere. Niba hari inyoni ireshya na rusake, ifite ibirokoroko n'ibikohwa nk'ibya rusake, iteretse amasunzu nk'aya rusake, ibika nka rusake, ipapaza amababa nka rusake mbere yo kwurira inkokokazi, ifite isura n'imyitwarire ya rusake, iyo nyoni ni bwoko ki? Yewe, iyo nyoni igomba kuba ari rusake byanze bikunze.
 
Ikibazo cya kabiri. Umuntu witwara nk'Interahamwe: akica abantu urubozo nta mpuhwe na busa, wokamwe no kwibona birenze urugero, kwirata, kwiyemera, ivanguramoko, uhiga bukware abatavugarumwe na we, witwara nk'aho amategeko y'igihugu atamureba, utagira icyaha na kimwe atinya, wigize igikoresho cya sekibi, waciye akagozi ka jenoside  ( Radio Inyabutatu: Indege ya Habyarimana yarashwe na Lt Frank Nziza na Caporal Eric Bizimana) agatiza Interahamwe umurindi wo kurimbura abatutsi mu gihe cya jenoside, uwo muntu ni muntu bwoko ki?
 
Umuntu utekereza nk'Interahamwe, akitwara bunyamaswa nkazo, ni Interahamwe ntibazakubeshye, ubwicanyi ntibugira ubwoko, ntibugira imipaka: yaba umusirikare w'ikirenga wambaye ku ntugu inyenyeri nyinshi za zahabu; yaba umugore w'igishongore ubengerana ubwiza nk'ikizubazuba; yaba umucuruzi ugendera mu bicu nka kagoma akarebana abantu iseseme kubera umurengwe; yaba umuririmbyi w'ikirangirire; yaba umusore w'igikurankota witwara nk'intare yo mw'ishyamba; yaba mameya mukuru uvuga ijambo rimwe gusa igikuba kigacika, isi ya bamwe igahagara nk'aho ayijanjaguye n'inyundo; yaba umwarimu rwagitinywa wa kaminuza, uhahamura abantu abakangisha ko ashobora kubarema akoresheje ibishishwa by'ibijumba, cyangwa ashobora gukora intwaro za kirimbuzi akoresheje inyabarasanya; yaba umukomando mu barinda Paul Kagame  ubamba abantu igicuri, akababaga bakiri bazima nta kinya akoresheje, kandi atigeze akandagiza ikirenge mw'ishuri ry'ubuvuzi, abasirikare bamubona bagatera amasaruti nk'aho ari we wahanze Gihanga; yaba umucamanza uvuga rikijyana, yakwitsamura imitima ikabomborana; yaba umwicanyi ruharwa wicaye muri Village Urugwiro woretse imbaga y'abanyarwanda n'abanyamahanga. Reka tubisubiremo: umuntu utekereza nk'Interahamwe, akitwara nk'Interahamwe ni interahamwe nta kabuza(P.KAGAME YARITAGUYE ABATURAGE BARI BAJE MW'ISOKO AFITE IBYISHIMO BIRENZE URUGERO), yaba inkandagirabitabo, inzirabwenge cyangwa afite izindi nyito.
 
Paul Kagame yitwikiriye ijoro, ahanura indege ya Perezida Habyarima, abagabo 12 bayirimo bose barapfa, aba atangije jenoside (Rwanda's Untold Story Documentary on Vimeo); abuza abasirikare yari ayoboye gutabara abatutsi bicwaga bunyamwasa, ahubwo atiza interahamwe umurindi, arashega arasizora yanga ko amahanga atabara, aba aburijemo amasezerano y'amahoro ya Arusha yo yari amizero y'abatutsi n'abanyarwanda bose muri rusange. Yakoze ibyo byose azi neza ko nyina umubyara, umugore we, abana be, bashiki be, n'inkoramutima ze nta wari gutikirira muri uwo muriro yaramaze kwatsa(ANGE KAGAME YATONETSE ABAROKOTSE JENOSIDE N'ABANDI BENSHI ISE PAUL KAGAME YICIYE ABABYEYI ).
 
None Paul Kagame amaze kwibonera ko ibyo bintu byamenyekanye hose, arakora iyo bwabaga kugirango arangaze abanyarwanda batavaho bamuryoza amahano yabakoreye: arabanokesha ibizu yarunze muri Kigali ngo basamarire kureba ubwiza bwabyo hanyuma bibagirwe kumubaza impfu z'ababo; arabashuka akabajyana muri za gahunda zipfuye amaso yise "Ndi umunyarwanda", "Kwihesha agaciro", "kwakira ibihumbi 30000 by'abanyafurika bagurishwa bunyago muri Libiya", "kwakira impunzi z'abanyafurika Israel idashaka ku butaka bwayo." 
 
Arashaka ko abanyarwanda bahugire mu bitekerezo bitabafitiye umumaro kugirango bibagirwe ababo yirengeje. Erega azakomeza kugaburira abanyarwanda ibinyoma bye, kugirango batamuhagurukana, bakamukanira urumukwiye kandi azi neza ko yibye amajwi, agashyira abanyarwanda ku gahato ko kugumya kubategeka batamushaka. Kugeza ubu akomeje kurwana inkundura ngo azapfire muri Village Urugwiro aho gushyikirizwa ubutabera. 
 
Naho ikinyoma cyavuka mu mwaka wa 1994, kigashyigikirwa n'imbaraga z'ikuzimu, kigahabwa intebe muri Village Urugwiro, abanyarwanda bakakimira bunguri ku ngufu, bakakigira ifunguro ryabo rya buri munsi, abana bakacyonka mu mashereka y'ababyeyi babo, urubyiruko rukakigotomera nk'ugotomera ikivuguto gifutse cy'inyambo zo muri Nyaruguru, abanyapolitike bagakura amakoti bakakivuga ibigwi urufuro rukuzura akanwa, abanyamadini bakagipfukamira bakoma amashyi bavugishwa ayandongo, abakaraza bakakivugiriza ingoma, abanyamakuru bakagihererekanya bagikwiza isi yose, abasore b'abihanduzacumu bakakibyinira baririmba intsinzi, gihora ari ikinyoma naho wagisiga amavuta ahumura neza ukakinogereza, ukagishakira Intore zikibyinira umudiho mu Rwanda hose no hanze yarwo.
 
Naho ukuri kwavuka mu mwaka wa 2017, ikinyoma cyaramaze kwigarurira isi yose, aho bihuriye hose ukuri kurakinesha. Kirazira rwose, ukuri ntigupfa, guca mu ziko ntigushya. Aho ukuri kwiganje ibinyoma bimera nk'amashara afashwe n'ibirimi by'umuriro. Yewe Paul Kagame azapfa, ariko ukuri kuzahoraho iteka. Uwambaye ibinyoma gusa ntaho ataniye n'uwambaye ubusa, amaherezo ye ni ikimwaro. Ukuri  dore kurimo kwigaragaza mu Rwanda no hanze yarwo kabone nubwo abarutuye imbere bicecekeye kubera ubwoba ariko barakuzi.
 
Naho ukuri kwakohereza intumwa zako zikanyura mw'ishyamba rya nyekongorero rijagatamo impyisi n'intare n'abicanyi kabuhariwe, mw'ijoro ry'umwijima w'icuraburindi, mu mvura y'amahindu, ntizatinya gutumika neza. Paul Kagame afite ubwoba (Kagame has a big challenge), afite ipfunwe kuko abanyarwanda barangije gutahura ibinyoma bye bitabarika, azi ko  byatangiye kumuhambukiraho, ka gaciro yiha ntagahe abandi azi ko yatangiye kukabura; aherutse kwivugira ko ikimuhangayikishije ari abanyarwanda bari mu Rwanda imbere kandi ni mu gihe kuko azi neza ko batamutoye kandi batamukunda uretse kumukomera amashyi ku ngufu kuko abaragije imbunda, amarozi, urwikekwe; azi neza ko bashirira imbere kuko abenshi yabagize imfubyi, abapfakazi, ibikange; azi neza akazina k'akabyiniro bamuhaye "Umwicanyi ruharwa, intore irusha izindi ubuterahamwe"! 
 
Abadayimoni b'ubwicanyi, ivanguramoko, urugomo rwo guhonyora uburengazira bwa muntu, ubucuruzi bwa jenoside, biragatsindwa mu Rwanda mw'izina rya Yezu Kristu w'i Nazareti! 
 
Banyarwanda, bavandimwe, nshuti z'umusaraba, bakunzi ba Radiyo Inyabutatu, basomyi bacu dukunda, namwe mwese mukomeje kuduheka mu ngobyi y'amasengesho, tubifurije Noheli Nziza n'umwaka w'amahoro n'umunezero wa 2018, Imana izabagusheho imvura nyinshi y'imigisha maze ibahundazeho ibyo imitima yanyu yifuza byose.
 
Yezu Kristu umwami, Habwa icyubahiro mu mitima y'abanyarwanda aho bari hose kw'isi, urabikwiye! 
 
Kukwumvira biruta amasengesho, amaturo, ibitambo!
Uwica abana bawe ni wowe aba ahekuye!
 
Yozefu Mutarambirwa
Umukuru w'Ihuriro ry'Inyabutatu – RPRK
 
To tell the whole truth with clarity and charity
 

About us

Robot

Platea tristique eleifend non vitae pulvinar est ac Curabitur non auctor. Tincidunt fames pulvinar Curabitur Curabitur adipiscing consequat justo ut dui tristique. Interdum nec tincidunt auctor tincidunt fames pulvinar curabitur...

You are here: Home
BLOG COMMENTS POWERED BY DISQUS