Sunday, 10 22nd

Last updateSat, 09 Sep 2017 3pm

  • Create an account
    *
    *
    *
    *
    *
    *

    Fields marked with an asterisk (*) are required.

Welcome to Inyabutatu

Dusabe Imana yakire mu bwami bwayo Umwami Kigeli V Ndahindurwa Jean Baptiste.

KIG

 
Twebwe abagize Ihuriro ry’Inyabutatu-RPRK
tubabajwe n’itanga ry'Umwami Kigeli Ndahindurwa kw’itariki ya 15/10/2016. Yigendeye tumukunze, adusiga tukimukeneye, atabaruka tutagize amahirwe y’uko adusezeraho. Yari umubyeyi urangwa n’ineza, ubupfura n’umurava. Yakundaga Imana bihebuje. Ni yo yakomeje kumurinda muri byose.
Imana imuhe iruhuko ridashira. Abo mu muryango we asize, dukomeze kubaheka mu ngobyi y’amasengesho. Imana ibatabare, ibahoze amarira kandi ibatwikirize urukundo rwayo.
Umwami Kigeli V yakundaga u Rwanda, abanyarwanda, n’umuco nyarwanda. Hashize imyaka myinshi ageza ku banyarwanda ubutumwa bwiza bwo gukundana, kubana kivandimwe, guharanira amahoro, guca burundu ubuhunzi n’ibindi bikurura umwuka mubi mu gihugu cyacu.
Ni ngombwa gushyira mu bikorwa izo nama ze nziza kugirango dushimangire umurage mwiza adusigiye wo kworoherana duharanira amahoro arambye mu Rwanda.
Imana ishimirwe ko yaduhaye u Rwanda, rukibaruka Umwami Kigeli V Ndahindurwa warukunze kurusha uko yikunze.
Yozefu Mutarambirwa,
Umukuru w’Ihuriro ry’Inyabutatu-RPRK.
Icyitonderwa: reka duhugurane!

Iyo abanyarwanda baganira ku mateka ya Rudahigwa, usanga bamwe bamwita “Umwami Rudahigwa”, abandi bamwita “Umwami Mutara Rudahigwa”, ndetse hari n’abamwita “Umwami Mutara III Rudahigwa”.

Ntabwo birirwa bongeraho amazina ye ya gatolika. Kubera iyo mpamvu, hari abantu benshi batazi amazina ye ya batisimu, ari yo aya: Karoli Petero Lewo. Ese kuki abongereza bose aho bari kw’isi Umwamikazi wabo bamwita Queen Elizabeth II (ni iryo zina nta rindi), naho kubyerekeye umwami wacu, amazina abanyarwanda bamwe bamwita abandi bayakoresha ukundi cyangwa bagakoresha ayandi? Mu rurimi rw’icyongereza umupapa w’abagatolika uriho ubu utuye i Roma, yitwa Francis I (ni iryo zina ryonyine nta rindi). Kuki umwami wacu agomba kugira amazina menshi, urugero "Umwami Kigeli V Ndahindurwa Jean Baptiste"?

Ni uko dushaka kwinaniza rwose naho ubundi "Umwami Kigeli V" cyangwa "Umwami Kigeli Ndahindurwa"birisobanuye bihagije. Niba hari abanyarwanda batumva ibi bintu ni nde ugomba gutuma babitohora si twebwe? Iriya mibare igendana n'amazina y'abami bacu ntacyo ibwiye abaturage basanzwe: aho kuvuga ngo “Yuhi III”, baravuga bati "Umwami Mazimpaka" cyangwa bati "Umwami Yuhi Mazimpaka".

Ahubwo iyo umwami runaka yabaye ikirangirire, abo baturage batinyuka kuvuga izina rye badakoresheje ijambo “umwami”, dore ingero: 1-amajanja y'imbwa za Ruganzu ari henshi mu gihugu; 2-ibitero bya Rwabugiri ntibibarika. Yewe ku bintu bimwe na bimwe turacyari kure nk'ukwezi!

About us

Robot

Platea tristique eleifend non vitae pulvinar est ac Curabitur non auctor. Tincidunt fames pulvinar Curabitur Curabitur adipiscing consequat justo ut dui tristique. Interdum nec tincidunt auctor tincidunt fames pulvinar curabitur...

You are here: Home Home page articles Dusabe Imana yakire mu bwami bwayo Umwami Kigeli V Ndahindurwa Jean Baptiste.
BLOG COMMENTS POWERED BY DISQUS